اسلام آباد( تازہ ترین)وزیراعظم نواز شریف نے آرمی چیف جنرل راحیل سے ملاقات کی ،جس میں کراچی آپریشن اور دہشتگردی کے خلاف جنگ کو منطقی انجام تک پہنچانے کے عزم کا اعادہ کیا گیا ۔انہوں نے کہا کہ بھارتی جارحیت کا بھی موثر ترین جواب دیا جائے گااور دہشتگردوں کے سہولت کار بھی بچ نہیں سکیں گے ۔بھارت سے مذاکرات میں بھارتی جارحیت کا معاملہ سر فہرست ہوگا۔تفصیلات کے مطابق وزیر اعظم نواز شریف سے آرمی چیف جنرل راحیل شریف نے ملاقات کی جو ڈیڑھ گھنٹے سے زائد جاری رہی۔ ملاقات میں ملکی سیکیورٹی کی صورتحالاٹک دھماکہ اور نیشنل ایکشن پلان پر عملدرآمد کے حوالہ سے غور کیا گیا۔ذرائع کے مطابق ملاقات میں اس بات پر اتفاق کیا گیا کہ کراچی آپریشن جاری رہے گا اور ہر صورت منطقی انجام تک پہنچایا جائے گا۔ دہشتگردوں کے سہولت کاروں اور مالی معاونت کرنے والوں کیخلاف بھی بلاامتیاز آپریشن جاری رہے گا۔ملاقات میں طے کیا گیا مشیر خارجہ سرتاج عزیز کی بھارتی ہم منصب سے ملاقات میں بھارتی جارحیت کا معاملہ سرفہرست ہوگا۔ ملاقات میں وزیر خزانہ اسحاق ڈار ، وزیر داخلہ چوہدری نثار ، مشیر خارجہ سرتاج عزیز اور طارق فاطمی بھی شریک ہوئے
