پی ٹی آئی نے این اے 122 کو دوبارہ چیلنج۔۔۔

PTI again challenged NA 122

تازہ ترین) پاکستان تحریک انصاف نے لاہور سے قومی اسمبلی کے حلقہ این اے 122 کا ضمنی انتخاب کالعدم کرانے کے لیے الیکشن کمیشن میں درخواست دائر کرنے کا فیصلہ کیا ہے۔ ذرائع کے مطابق تحریک انصاف نے حلقے کے ضمنی الیکشن میں مبینہ دھاندلی سے متعلق 800 صفحات پر مشتمل مواد اکٹھا کرلیا ہے جسے اس کی قانونی ٹیم نے بھی انتخاب کالعدم قرار دلوانے کے لیے کافی ہونے کی یقین دہانی کرادی ہے۔

ذرائع کے مطابق چیرمین تحریک انصاف عمران خان نے بھی حلقے سے شکست کھانے والے علیم خان کو ضمنی انتخاب الیکشن کمیشن میں چیلنج کرنے کی اجازت دے دی ہے جس کے بعد علیم خان آئندہ چند روز میں الیکشن کمیشن اسلام آباد میں انتخاب کالعدم قرار دینے کے لیے درخواست دائر کریں گے۔ تحریک انصاف کےرہنما علیم خان کا اس حوالے سے کہنا ہےکہ این اے 122 کے ضمنی انتخاب میں دھاندلی کی گئی جسے ثابت کرکے ایاز صادق کو ایک بار پھر گھر بھیجیں گے۔

Leave a Reply