ڈرون حملہ۔۔۔طالبان کا کمانڈر ہلاک

Taliban’s commander died in drone attack

تازہ ترین) افغانستان کے علاقے ڈمہ میں ڈرون حملے میں 12 شدت پسند ہلاک اور 20 زخمی ہو گئے، ہلاک ہونے والوں میں کالعدم تحریک طالبان کے کمانڈر خان سید سجنا کا نام بھی لیا جا رہا ہے تاہم طالبان ذرائع نے تصدیق نہیں کی، دیگر ہلاک ہونیوالوں میں کالعدم تحریک طالبان کے کمانڈر نعیم کوچی اور کفایت کوچی بھی شامل ہیں۔

افغان وزارت دفاع کے مطابق صوبہ ننگر ہار کے ضلع مہمند دارا میں بھی امریکی ڈرون حملہ کیا گیا جس میں اہم کمانڈر قاری سلیم سمیت2 طالبان ہلاک ہو گئے۔ صوبے لوگر میں فورسز نے آپریشن کلین اپ کیا جس میں 5 طالبان ہلاک اور درجنوں زخمی ہوگئے، فورسز نے متعدد طالبان کو گرفتار کرکے اسلحہ اور دھماکاخیزموادبھی برآمدکر لیا۔ صوبے فریاب میں ہیلی کاپٹرحادثے کے یرغمال بنائے گئے 18 فوجیوں کی بازیابی کے لیے آپریشن شروع کردیا گیاہے، ان میں مالدووا کے فوجی بھی سوار تھے جنھیں طالبان نے یرغمال بنا لیا تھا، یہ ہیلی کاپٹر ایک غیر ملکی کمپنی سے منسلک ہے۔

Leave a Reply