واشنگٹن(تازہ ترین) امریکی انٹیلی جنس ایجنسی سی آئی اے کے ڈائریکٹر جان برنین کا ذاتی ای میل اکاؤنٹ ہیک ہو گیا اور ہیک اکاؤنٹ ہیک کر نے والا ایک ہائی سکول کا طالب علم ہے امریکی اخبار نیو ٹائمز نے اس کی شناخت ظاہر نہیں کی۔اس ہیکر نے نیو یارک ٹائمز سے بات کرتے ہوئے بتایا کہ اسے جان برینن کے کام سے متعلق دستاویز بھی ملی ہیں جس میں سکیورٹی کلیئرنس کے لیے جان برینن کی درخواست بھی شامل ہے۔اور ہیکر ہائی اسکول کا ایسا طالبعلم ہے جو امریکہ کی خارجہ پالیسی پر نالاں ہے۔ہیکر کا کہنا ہے کہ جان برنین کے ٹوئٹر اکاؤنٹ پر فائلوں کے لنک ہیں جس میں جان برینن کے روابط کی فہرست، سی آئی اے کے سابق ڈپٹی ڈائریکٹر کی فون کالز کی فہرست اور دیگر دستاویز ہیں۔اس کے علاوہ اس نے ہوم لینڈسیکیورٹی کے سیکرٹری جےجانسن کے ای میل اکاؤنٹ تک رسائی حاصل کرنے کا بھی دعویٰ کیا گیا ہے۔سی آئی اے کی جانب سے جاری کردہ بیان میں کہا کہا ہے کہ ’ہم ایسی اطلاعات کے بارے میں باخبر ہیں جو سوشل میڈیا پر سامنے آئی ہیں اور اس حوالے سے متعلق حکام کو آگاہ کر دیا گیا ہے۔واضح رہے کہ حالیہ چند ماہ میں اعلیٰ امریکی حکام کی جانب سے ذاتی ای میل کا استعمال ایک سنجیدہ مسئلے کے طور پر ابھر کر سامنے آیا ہے۔
